Ərzaqlar
- 400 qram Təmizlənmiş Gültəmizlənmiş
- 2 kq Şəkər Tozu
- 4 stəkan Su
- 1/2 çay qaşığı Limon Duzu
Məlumat
Gözəl ətrinə, dadına və görünüşünə görə çox sevilən mürəbbələrdən biri də Gül Mürəbbəsidir. Yazın ortalarında yetişən xüsusi gül növləri ilə hazırlanan bu mürəbbəni adi mürəbbələr kimi, yaxud emallı (şirəli) qazanda qaynatmaqla bişirmək olar. (reseptdə yazdığım da emallı qazanda bişirmək qaydasıdır) Bundan başqa bişirmədən də hazırlamaq mümkündür. Gül mürəbbəsi hazırlayarkən, şəkərin miqdarını qədərində tökmək vacibdir. Əks halda mürəbbə xarlaya bilər.
Porsiya – 2 kq
Qeyd 1: Bu mürəbbənin digər gül mürəbbələrdən fərqi ləyəndə yox, qazanda bişməyidir.
Qeyd 2: Hazır olub olmadığını dəqiq yoxlamaq üçün bir boşqaba mürəbbənin şirəsindən 2 xörək qaşığı qoyub 2-3 dəqiqə gözləyin. 2-3 dəqiqə sonra boşqabı biraz əyin. Əgər şirə qatıdırsa (üstündə qırışıqlıqlar əmələ gəlirsə), demək hazırdır. Normaldan artıq bişərsə, onda da saqqız halında olar. Diqqətli olun.
Hazırlanması
1 Hazırdır | 5-6 kq-lıq emallı (şirəli) qazanda su qaynadılır. |
2 Hazırdır 10 dəqiqə | Qaynamağa başladıqda gül əlavə olunub ağzı qapalı 10 dəqiqə qaynadılır. |
3 Hazırdır | Sonra şəkər tozu əlavə olunub yenə ağzı qapalı 20 dəqiqə qaynadılır. |
4 Hazırdır 1 dəqiqə | Daha sonra isə limon duzu əlavə olunub ağzı açıq 1 dəqiqə daha qaynadılıb ocağın üzərindən götürülür (1 dəqiqədən artıq saxlamamağa diqqət edin) |
5 Hazırdır | Nuş olsun... :) |
