1 0

Sosial şəbəkələrdə paylaş:

Və ya bu linki kopyalayıb paylaşa bilərsiniz

Ərzaqlar

Porsiya seç:
Biskviti Üçün
4 ədəd Yumurta
4 xörək qaşığı Şəkər Tozu
3/4 stəkan Un
1 çimdik Duz
1 paket Vanil
1 desert qaşığı Qabartma tozu
Çiyələk Sousu Üçün
250 qram Təmizlənmiş Çiyələk
1/2 stəkan Şəkər Tozu
1/2 xörək qaşığı Nişasta
Kremi Üçün
150 qram Kərə Yağı
3/4 banka Qatılaşdırılmış Süd
Bəzəmək Üçün
5 ədəd Çiyələk

Çiyelekli Rulet

Tərkibi:
    • Porsiya 1
    • Orta

    Ərzaqlar

    • Biskviti Üçün

    • Çiyələk Sousu Üçün

    • Kremi Üçün

    • Bəzəmək Üçün

    Məlumat

    Paylaş

    Bundan öncəki paylaşımda çiyelekli tort resepti paylaşmışdım. Bu gün paylaşdığım bu çiyelekli ruleti isə eynən o tortun resepti ilə bişirdim. Tək fərq vaxt qənaəti və ərzaq miqdarıdır. Balaca bir listdə, kiçik rulet bişirsəz, torta istifadə olunan ərzaqların 1/3-i qədər istifadə etmək kifayət edər. Ancaq mən iri rulet  (35 sm) bişirdiyimə görə tort ərzaqlarının yarısı qədər istifadə etdim.

     

    Listin diametri – 35 sm

     

    Qeydlər:

    1. Təbii meyvələrdən hazırlanan tortları 2 gündən artıq saxlamamağınız, saxladılan müddətdə isə mütləq soyuducuda saxlamağınız məsləhətdir.
    2. Bu cür çiyələk, banan və s. kimi tez xarab olan meyvələrdən tort hazırlayarkən mümkün qədər bərk meyvə istifadə edin. Nə qədər boş, əzilmiş meyvə istifadə etsəz, tortunuz o qədər tez xarab olacaq.
    3. Mən tortun/ruletin arasında biraz iri meyvə qırıqları sevdiyimə görə biskviti kremlədim, arasını isə doğranmış çiyələk ilə doldurdum. Amma siz istəsəz, doğranmış çiyələyi kremin içərisinə qatıb mikserlə biraz çala bilərsiniz. Beləliklə, arada iri çiyələklər olmayan, meyvəli, rəngli krem əldə etmiş olarsız.
    4. Biskviti quru bişirib, bəzəyərkən isə biskvitləri islatmaya bilərsiz. Meyvə və krem torta lazım olan qədər yumuşaqlıq verəcək (mən dondurma dadında sevdiyim üçün azacıq islatdım).

    Hazırlanması

    1
    Hazırdır
    7-8 dəqiqə

    Biskvitini Hazırlamaq Üçün

    Yumurta və şəkər tozu birlikdə mikserlə ağaranadək (7-8 dəqiqə) çalınır.

    2
    Hazırdır

    Ayrı bir qabda un, duz, vanil və qabartma tozu qarışdırılır.

    3
    Hazırdır

    Sonra un olan qarışım digər qarışıma ələnərək qaşıqla yavaş-yavaş qarışdırılır.

    4
    Hazırdır
    170°, 18-20 dəqiqə

    Daha sonra yağlı kağız sərilən listə tökülüb hər tərəfinə səliqəli yayılır və əvvəlcədən isidilmiş 170° C sobada içi bişənədək (17-20 dəqiqə) nəzarət edilərək bişirilir.

    5
    Hazırdır
    1-2 dəqiqə

    Sonda isə sobadan çıxarılıb isti halda kağızı ilə birlikdə rulet şəklində bükülür, 1-2 dəqiqə sonra açılır və tam soyumağı üçün azı 2 saat gözlədilir (əgər tez büksəz, ruletiniz çatlayacaq).

    6
    Hazırdır

    Çiyələkli Sousunu Hazırlamaq Üçün

    Təmizlənmiş çiyələk blenrdan qatı su halına gələnədək keçirilir.

    7
    Hazırdır

    Sonra isə üzərinə şəkər tozu və nişasta əlavə edilib normal odda qaynayıb qatılaşanadək bişirilir.

    8
    Hazırdır
    15 dəqiqə

    Kremini Hazırlamaq Üçün

    Otaq istiliyində kərə yağı və qatılaşdırılmış süd krem halına gələnədək (təxminən 15 dəqiqə) mikserlə çalınır.

    9
    Hazırdır

    Ruleti Bəzəmək Üçün

    Biskvit və sous tam soyuduqdan sonra kremin yarısı biskvitin arasına çəkilir, doğranmış çiyələk hər tərəfinə tökülür və yavaş-yavaş kağızdan aralayaraq bükülür.

    10
    Hazırdır

    Kremin qalan yarısı da ruletin üzərinə çəkilir, üstünə isə sous tökülüb hər tərəfinə səliqəli yayılır.

    11
    Hazırdır
    2 saat

    Sonda isə kənarlarının səliqəsiz hissəsi kəsilib çiyələk ilə istənilən şəkildə bəzədilir və soyuducuya qoyulur. 2 saat soyuducuda qaldıqdan sonra servis edilir.

    12
    Hazırdır

    Nuş olsun... :)

    Türkan

    Müəllif və Redaktor - Qida bloqeri - Bişirən/hazırlayan, fotolarını çəkən. Eyni zamanda şahmat müəlliməsi və TSPX (Təhsildə Sosial Psixoloji Xidmət) məzunu.

    ciyelekli tort
    əvvəlki
    Çiyelekli Tort
    sonrakı
    Qazan Kotleti
    ciyelekli tort
    əvvəlki
    Çiyelekli Tort
    sonrakı
    Qazan Kotleti

    Şərh | Sual

    Hal-hazırda internetiniz açıq deyil