Çiyelekli Tort

Paylaş

Bu çiyelekli tortun əksər çiyelekli tortlardan fərqi marketlərdən hazır alınan meyvəli jelatin ilə yox, evdə təbii meyvədən bişirilən çiyələkli sousla hazırlanmasıdır. Əsl yay dadında bir tortdur. Şəkillərdən də gördüyünüz kimi ayrı-ayrı vaxtlarda bişirdiyim 2 cür şəkilini paylaşmışam. Hər ikisinin resepti eynidir. Rəng fərqliliyi isə otağın işığı ilə əlaqəlidir. Canlı rəngi ilk şəkildəki kimidir. Siz də istədiyiniz kimi bəzəyə bilərsiniz.

Diametri – 25 sm, 1 biskvit (3 hissəyə bölünmüş)

İkinci şəkildəki tortun diametri 35 sm-dir. Reseptdə qeyd etdiyim ərzaq miqdarı 25 sm tort üçündür.

Qeydlər:

1. Təbii meyvələrdən hazırlanan tortları 2 gündən artıq saxlamamağınız, saxladılan müddətdə isə mütləq soyuducuda saxlamağınız məsləhətdir.
2. Bu cür çiyələk, banan və s. kimi tez xarab olan meyvələrdən tort hazırlayarkən mümkün qədər bərk meyvə istifadə edin. Nə qədər boş, əzilmiş meyvə istifadə etsəz, tortunuz o qədər tez xarab olacaq.
3. Mən tortun arasında biraz iri meyvə qırıqları sevdiyimə görə biskvitləri kremlədim, arasını isə doğranmış çiyələk ilə doldurdum. Amma siz istəsəz, doğranmış çiyələyi kremin içərisinə qatıb mikserlə biraz çala bilərsiniz. Beləliklə, arada iri çiyələklər olmayan, meyvəli, rəngli krem əldə etmiş olarsız.
4. Biskviti quru bişirin, bəzəyərkən isə biskvitləri islatmayın. Meyvə və krem torta lazım olan qədər yumuşaqlıq verəcək.