| 400-500 qram Quzu və ya Mal Əti | |
| 300 qram Göbələk | |
| 2 ədəd Soğan | |
| 2 ədəd Şirin Bibər | |
| 1 ədəd Acı Bibər | |
| 2 ədəd Pomidor | |
| 2 diş Sarımsaq | |
| 2 xörək qaşığı Duru Yağ | |
| 2-2,5 xörək qaşığı Əridilmiş Kərə Yağı | |
| Qaynar Su | |
| 1 çay qaşığı Kəklikotu | |
| Duz | |
| Qırmızı İstiot | |
| 200 qram Holland Pendiri | |
Sousu üçün | |
| 1/2 stəkan Süd | |
| 1 desert qaşığı Pomidor Tomatı |
Göbələkli, pendirli ət soteni sadəcə günlük menyunuzda yox, həm də qonaq süfrələri üçün də bişirə bilərsiniz. Əmin olun ki, qonağlarınız da çox xoşlayacaq, çox dadlıdır… Ətin əvvəlcə qızardılmağı xüsusi dad verir. Tələsməyin, digər ərzaqları əlavə etməmişdən öncə çox yaxşı qızardın. Günlük hazırlasaz, istəyə görə pendirsiz də bişirə bilərsiniz. Ancaq qonaq süfrəsi üçün hazırlasaz, pendirli çox daha gözəl görünəcək. 🙂
Porsiya – 4 nəfərlik (Ərzaqların üzərindəki “+ –” butonları ilə avtomatik porsiya da hesaplaya bilərsiniz.)
Şərhlərinizi aşağıdakı Fikrini Yaz bölməsinə yazmağı unutmayın. Varsa, suallarınızı da yazmaqdan çəkinməyin; məmnuniyyətlə cavab verərəm. 🙂
1 Hazırdır 30 dəqiqə | Ət quşbaşından biraz kiçik doğranır və qızdırılmış duru yağda qızardılır (mən təxminən 30 dəqiqə qızartdım) |
2 Hazırdır 50 dəqiqə | Qızardıqdan sonra üzərinə kərə yağı və üstünə keçəcək qədər qaynar su əlavə edilib ağzı qapalı təxminən 50-60 dəqiqə bişirilir (quzu ətidirsə, daha az bişiriləcək) |
3 Hazırdır 25-30 dəqiqə | Sonra üzərinə yuyulub biraz iri doğranmış göbələk əlavə edilib 25-30 dəqiqə daha qovrulur. |
4 Hazırdır 10 dəqiqə | Daha sonra yuyulub doğranmış bibərlər, soğan və bütöv diş sarımsaq əlavə edilib 10 dəqiqə daha qovrulur. |
5 Hazırdır 10 dəqiqə | Sonda isə soyulub doğranmış pomidor, kəklikotu, duz, istiot əlavə edilir və pomidorun suyu çəkilib yağa düşənədək (təxminən 10 dəqiqə) bişirilir. |
6 Hazırdır | Yeməyi Sobaya Vermək ÜçünYeməyi sobaya vermək üçün yemək listə tökülür. |
7 Hazırdır | Sousu üçün bir kasada süd və pomidor tomatı qarışdırılıb üzərinə əlavə edilir. |
8 Hazırdır 200° C, 7-8 dəqiqə | Ən sonda isə holland pendiri sürtgəcin iri gözündən keçirilib hər tərəfinə səpilir və 200 dərəcə sobada pendir əriyənədək (7-8 dəqiqə) bişirilir. |
9 Hazırdır | Nuş olsun... :) |
Hal-hazırda internetiniz açıq deyil
