| 10 ədəd list böyüklükdə Yuxa | |
| 1/2 stəkan Əridilmiş Kərə Yağı | |
| 1/2 stəkan Su | |
| İçlik Üçün | |
| 2 dəstə Cincilim Və Ya İspanaq | |
| 3 ədəd iri Soğan | |
| 1 desert qaşığı Limon Suyu | |
| 250-300 qram Şor | |
| Duz | |
| Qırmızı İstiot |
Sobada Cincilimli Göy Kətəsi 🌱🌱🌱 Hazır yuxa ilə bişiririk deyə çox asan və tez hazır olur. İçliyini isə ispanaqla da hazırlamaq olar, amma cincilimlə daha dadlı olur.
Porsiya – 1 list (listimin diametri 33 sm)
🛑 Ev yuxası tapıb ala bilsəz əla olar.
🛑 Şor duzludursa, duzu biraz diqqətli tökün ki, yemək duzlu olmasın.
1 Hazırdır | İçliyini Hazırlamaq Üçünİçliyini hazırlamaq üçün cincilimi (və ya ispanağı) doğrayıb yuyuruq, sonra duz əlavə edib suyunu çıxarırıq, hazır qoyuruq. |
2 Hazırdır | Soğanı xırda kub şəklində doğrayırıq, 3-4 xörək qaşığı yağda qızılı rəng olanadək qovururuq və göyərtinin üstünə əlavə edirik. |
3 Hazırdır | Limon suyu, şor, duz və istiotu da əlavə edib yaxşıca qarışdırırıq. |
4 Hazırdır | Yeməyi Sobaya Vermək ÜçünListi yağlayırıq. |
5 Hazırdır | Yuxaların yarısını (5 ədədini) arasını yağlayıb isladaraq üst-üstə qoyuruq. Hər qatını azacıq isladıb fırça ilə yağ çəkirik (yağ miqdarını soğançanızın yağlılıq dərəcəsinə uyğun tənzimləyin). İçlik əlavə etdiyimiz qatı yağlayıb islatmağa ehtiyyac yoxdur. |
6 Hazırdır | İçliyin hamısını töküb hər tərəfə yayırıq. |
7 Hazırdır | Sonra qalan yuxaların da hamısını (5 ədəd) aralarını yağlayıb isladaraq üst-üstə qoyuruq. |
8 Hazırdır 180°C, 30-40 dəqiqə | Son qatın da üzərinə kərə yağı çəkdikdən sonra 180°C sobada altı və üstü qızaranadək (təxminən 30-40 dəqiqə) bişiririk. |
9 Hazırdır | Nuş olsun :) |
Hal-hazırda internetiniz açıq deyil
