Ərzaqlar

Şərbəti Üçün

2 stəkan Su

2 stəkan Şəkər Tozu

1/3 Limonun Suyu

İçlik Üçün

450 qram Kakos

450 qram Şəkər Tozu

1 çay qaşığı Üyüdülmüş Hill

Xəmiri Üçün

1 stəkan İlıq Süd

1 çay qaşığı Şəkər Tozu

1/2 çay qaşığı Maya

2 ədəd Yumurta

biri bütöv, birinin ağı

150 qram Kərə Yağı

duru halda

1 çimdik Duz

1 paket Vanil

təxminən 4 stəkan

Xəmirlərin Arasını Yağlamaq Üçün

300 qram Əridilmiş Kərə Yağı

Üstü Üçün

Yumurtanın Sarısı

1 xörək qaşığı Süd

Qida Boyası

istəyə görə

Kakos

Məlumat

Kakoslu şirniyyatları çox sevirəm. Ancaq yenə də mənə görə kakoslu paxlava ləpəli paxlavanı əvəz edə bilməz. Kakos sevirsinizsə, bişirib yoxlamağa dəyər. Ləpəli paxlava ilə eyni reseptlə hazırladım, sadəcə ləpə yerinə eyni qədər kakos istifadə etdim və üstünü fındıq əvəzinə kakosla bəzədim. 8 qatlıq resept paylaşıram, 10-12 qat bişirmək istəsəz avtomatik porsiya hesablama (“+”, “-“) bölməsindən ərzaqların miqdarını avtomatik hesablaya bilərsiniz.

Porsiya – 1 list (8 qat)

Qeyd: İstəyə görə üzərinə çəkilən yumurta sarısının içərisinə biraz qida boyası qata bilərsiniz. Mən sadə, təbii görünüş daha sevdiyimə görə çox tünd etmədim, azacıq istifadə etdim.

Hazırlanması

1 Hazırdır	Şərbətini Hazırlamaq Üçün Su və şəkər tozunu birlikdə qaynadırıq.
2 Hazırdır 15 dəqiqə	Qaynamağa başladıqda limon suyu əlavə edib 15 dəqiqə daha normal odda qaynadırıq və ocağın üzərindən götürürük.
3 Hazırdır	İçlik Üçün Kakos, şəkər tozu və hili qarışdırırıq.
4 Hazırdır 10-15 dəqiqə	Xəmirini Hazırlamaq Üçün Süd, maya və şəkər tozunu qarışdırıb 10-15 dəqiqə gözləyirik.
5 Hazırdır	Sonra əridilmiş kərə yağı (duru və ilıq halda), yumurta (biri bütöv, birinin ağı), duz və vanili əlavə edib qarışdırırıq.
6 Hazırdır	Daha sonra isə 2 stəkan un əlavə edib qarışdırırıq. Qalan unu isə az-az əlavə edib alə yapışmayan yumşaq xəmir yoğururuq. (Cəmi təxminən 4 stəkan un istifadə olunacaq).
7 Hazırdır 10 dəqiqə	Hazır olan xəmiri bir kənarda, üstü örtülü 10 dəqiqə saxlayırıq.
8 Hazırdır	Sonda isə xəmirdən 8 ədəd kündə hazırlayırıq. (6 ədəd eyni böyüklükdə, 2 ədəd isə digərlərindən 2 qat iri.) İri kündələrdən biri ən alt qata, birini isə ən üst qata istifadə edəcəyik.
9 Hazırdır	Xəmirlərin Arasını Yağlamaq Üçün Kərə yağıni vam odda əridirik.
10 Hazırdır	Sobaya Vermək Üçün İri kündələrdən birini list böyüklükdə açıb listə yerləşdiririk, üzərinə fırça ilə 2-3 xörək qaşığı əridilmiş kərə yağı çəkirik, 3-4 xörək qaşığı kakos töküb hər tərəfinə yayırıq. (İlk xəmirdən etibarən listin kənarına çıxan artıq xəmiri səliqəli bir şəkildə kəsin ki, üst-üstə yığılıb paxlavanın şəklini pozmasın.)
11 Hazırdır	Sonra 6 ədəd balaca kündələri eyni qaydada listə yerləşdiririk (xəmir/kərə yağı/kakos sırası ilə). Bu addımda kakosun hamısını əlavə edəcəyik, daha sonra lazım olmayacaq. Son nazik xəmirin isə üzərinə nə kərə yağı çəkmirik, nə kakos əlavə etmirik.
12 Hazırdır	Son qalın kündəni də açıb üzərinə yerləşdiririk. Yenə yağlamırıq. Kənardan çıxan artıq hissələri bıçaqla kəsib tam səliqəli hala salırıq. Üstündən möhkəm basırıq və iti bir bıçaqla səliqəli doğrayırıq.
13 Hazırdır 180° C	Sonda yumurta sarısı, süd və istəyə görə qida boyasını qarışdırıb fırça ilə paxlavaların üzərinə çəkirik və əvvəlcədən isidilmiş 180° C sobada bişməyə qoyuruq.
14 Hazırdır 1 saat	15 dəqiqə bişdikdən sonra sobadan çıxarıb kəsiklərin üstündən bir daha bıçaq çəkirik. Arasını yağlamaq üçün istifadə edilən yağın artıq qalanını paxlavaların aralarına gəzdiririk və təkrar sobaya qoyub içi bişib üzü qızaranadək (təxminən 40-45 dəqiqə daha) nəzarət edərək bişiririk.
15 Hazırdır	Sobadan çıxan kimi üzərinə paxlavanın üzərinə soyuq şərbətin hamısını gəzdiririk.
16 Hazırdır	Paxlava bütün şirəni canına çəkdikdən sonra isə üstünü kakosla bəzəyib servis edə bilərik.
17 Hazırdır	Nuş olsun... :)