Ərzaqlar
- 4 ədəd Yumurta
- 1/2 stəkan Şəkər Tozu
- 4 xörək qaşığı Un
- 1 paket Qabartma tozu
- 1 paket Vanil
- 1 çimdik Duz
- 1 desert qaşığı Kakao
Məlumat
Şahmatçı biri olaraq Şahmat Ruleti hazırlamaq mənim üçün çox zövqlü idi. 🙂 Bu günlərdə inşaAllah Şahmat Tortu da hazırlayıb paylaşacam. Rulet ilə tortun hazırlanması bir-birindən çox fərqlidir. Mən ruleti cemli hazırladığım üçün içi də ağlı-qaralı olub. Amma bu çox vacib deyil, zövqünüzə uyğun edə bilərsiz. Qara xanaların xəmirini isə qara rəng qida boyası və ya kakaolu hazırlaya bilərsiz. Ruleti hazırlamaq əslində çətin deyil, amma hazırlamamışdan öncə Faydalı Məlumatlar bölməsindəki Rulet bişirmək qaydası haqqında yazımı oxumağınızı məsləhət görürəm.
Hazırlayarkən əsas diqqət etməli olduğunuz incəliklər:
- Soba qabına kağız sərməmişdən öncə qabı yağlayın ki, kağız qabdan aralanmasın, sürüşməsin.
- Kağızın üstünü də mütləq yağlayın və üzərinə ələklə biraz un səpin.
- Şahmat bəzəyini çəkərkən əvvəlcə kvadratların hamısını çəkin, daha sonra içlərini doldurun. Doldurarkən isə tamamilə doldurmaq yerinə biraz doldurub sonra diş çöpü ilə hər tərəfinə səliqəli yayın. Çünki biskvit xəmiri çox duru halda olduğu üçün çox olduqda qaba yayılır.
Yeniləmə: Şahmat Tortu da hazırladım və resepti ilə birlikdə artıq paylaşmışam. 🙂 (Sözlərin üzərində klik edin)
Hazırlanması
1 Hazırdır | Əvvəlcə soba qabı yağlanır, bişirmə kağızı üzərinə tam səliqəli yerləşdirilir, kağızın üzəri də yağlanıb ələklə hər tərəfinə biraz un səpilir və xəmiri hazır olanadək sərin bir yerdə saxlanır. |
2 Hazırdır 7 dəqiqə | Xəmirini Hazırlamaq ÜçünYumurta və şəkər tozu birlikdə 7 dəqiqə mikserlə çalınır. |
3 Hazırdır | Ayrı bir qabda un, vanil, qabartma tozu və duz qarışdırılıb xəmirə ələnir və qaşıqla qarışdırılır. |
4 Hazırdır | Sonra isə xəmirdən 4-5 dolu xörək qaşığı götürülüb bir kasada kakao ilə (və ya qida boyası ilə) qarışdırılır. |
5 Hazırdır | Şahmat Bəzəyi ÜçünKakakolu xəmir konditerskiy torbaya tökülüb yuxarısı bərk bağlanır, ucu isə balaca kəsilir. (Uc kəsiyinin çoox balaca olmağına diqqət edin, yoxsa bütün əziyyətiniz boşa gedəcək.) |
6 Hazırdır | Sonra soba qabına şəkildə gördüyünüz kimi şahmat çəkilir. Əvvəlcə sadəcə içi boş kvadratlar çəkilir, sonra isə içi ehtiyyatla biraz doldurulur və diş çöpü ilə hər tərəfinə yayıır. |
7 Hazırdır 170° C, 2-3 dəqiqə | Daha sonra əvvəlcədən isidilmiş 170° C sobaya qoyulur və cəmi 2-3 dəqiqə sonra çıxardılır. Məqsəd sadəcə biraz qurumağıdır ki, ağ xəmirlə qarışmasın. |
8 Hazırdır 170° C, 12-15 | Sobadan çıxadıqdan sonra ağ xəmir üzərinə tökülür, hər tərəfinə səliqəli yayılır və yenidən sobaya qoyulub təxminən 12-15 dəqiqə bişirilir. |
9 Hazırdır 3-4 dəqiqə | Sobadan çıxardıqdan 3-4 dəqiqə sonra isti halı ilə rulet şəklində bükülür (kağızı çöldə qalacaq şəkildə) və 1 dəqiqə sonra açılır. (Bu ruletin şəkil almağı üçündür, mütləq edin.) |
10 Hazırdır 15 dəqiqə | Rulet təxminən 15 dəqiqə soyuduqdan sonra isə arasına krem, cem və s. çəkilir, kağızdan aralanaraq bükülür və səliqəsiz hissələri bıçaq ilə kəsilib səliqəyə salınır. |
11 Hazırdır 2 saat | Azı 2 saat sonra isə servis edilir. |
12 Hazırdır | Nuş olsun... :) |
