Ərzaqlar
Xəmiri Üçün
- 2 ədəd Yumurta
- 3 xörək qaşığı Şəkər Tozu
- 1,5 stəkan Süd
- 1/2 stəkan Duru Yağ
- 2 stəkan Un
- 1 paket Vanil
- 1 paket Qabartma tozu
Şokolad sousu üçün
- 1 stəkan Su
- 1 stəkan Süd
- 5-6 xörək qaşığı Şəkər Tozu
- 1,5 xörək qaşığı Kakao
- 1,5 xörək qaşığı Nişasta
- 80 qram Şokolad
- 20 qram Kərə Yağı
Servis Üçün
- 4-5 ədəd Banan
Məlumat
Pankek (ing. Pancake) və ya tava keksinə kiçik, şirin xəmir parçaları deyə bilərik. Yumuşaq və qabarıq halda olur. Nişasta, yumurta, süd və kərə yağı tərkibli bir xəmir işi növüdür. Yağlanmış və ya quru tavada bişirilə bilər. Əsasən incə və yumru görünüşlü olur, amma dünya ölkələrində fəqli bişirilir. Məsəslən, İngiltərədə daha çox mayasız bişirilərkən, Şimali Amerikada daha çox qabartma tozlu və mayalı bişirilir. Arxeoloji sübutlar pankekin çox qədim vaxtlarda da məşhur olan bir yeyəcək olduğunu göstərir. Pankek çeşidli meyvələrlə və souslarla servis edilə bilər. Daha çox bal, şokolad və pendir ilə servis edilir. Bu gün paylaşdığım pankek isə bananlı və şokolad souslu pankekdir.
Porsiya – 12-13 ədəd
Hazırlanması
1 Hazırdır | Xəmirini Hazırlamaq ÜçünYumurta və şəkər tozu mikserlə çalınır. |
2 Hazırdır | Sonra süd və yağ əlavə edilib qarışdırılır. |
3 Hazırdır | Daha sonra az-az un, qabartma tozu və vanil əlavə edilib yavaş-yavaş qarışdırılır. |
4 Hazırdır | Bişirmək ÜçünYapışmayan tava yaxşıca isidilir (istəyə görə çox az yağlana bilər, mən yağlamadım). |
5 Hazırdır 2 dəqiqə | Xəmirdən təxminən 2 xörək qaşığı tavaya əlavə edilir, bir tərəfi qızardıqda (təxminən 2 dəqiqəyə qızarır, üzərində qabarcıqlar əmələ gəldikdə deməli bir tərəfi bişib) çevirib digər tərəfi də qızardılır. |
6 Hazırdır | Şokolad Sousunu Hazırlamaq ÜçünKərə yağı və şokolad xaric, bütün ərzaqlar bir qabda qarışdırılıb ocağın üzərinə bişməyə qoyulur. |
7 Hazırdır | Qaynamağa başladıqda pletka şokolad əlavə edilir və qarışdırmağa qara vermədən biraz qatılaşanadək bişirilir. |
8 Hazırdır | Ocağın üzərindən götürən kimi istəyə görə kərə yağı əlavə edilib qarışdırılır. |
9 Hazırdır | Servis Etmək ÜçünSonda isə dilimlənmiş banan və şokolad sousu ilə istənilən şəkildə servis edilir. |
10 Hazırdır | Nuş olsun... :) |
