Şərbəti Üçün | |
| 3 stəkan Su | |
| 3 stəkan + 2 barmaq Şəkər Tozu | |
| 1/2 Limonun Suyu | |
İçlik Üçün | |
| 650 qram Üyüdülmüş Qoz Ləpəsi | |
| 650 qram Şəkər Tozu | |
| 1 çay qaşığı Üyüdülmüş Hill | |
Xəmiri Üçün | |
| 1,5 stəkan İlıq Süd | |
| 1,5 çay qaşığı Şəkər Tozu | |
| 1 silə çay qaşığı Maya | |
| 3 ədəd Yumurta | |
| 220 qram Kərə Yağı | |
| 1 çimdik Duz | |
| 1 paket Vanil | |
| Un | |
Xəmirlərin arasını Yağlamaq Üçün | |
| 450 qram Əridilmiş Kərə Yağı | |
Üstü Üçün | |
| Yumurtanın Sarısı | |
| 1 xörək qaşığı Süd | |
| 50-55 ədəd Fındıq | |
| Qida Boyası |
Paxlava – Azərbaycan, Türk, Cənubi Asiya, Orta Şərq və Balkan mətbəxlərində yer almış önəmli bir xəmir şirniyyatıdır. Amma 8 avqust 2013 tarixində AB Komissiyası tərəfindən paxlavanın Türk şirniyyatı olduğu qeyd olunmuşdur. Nazik xəmirlər arasına qoz, fındıq, badam və ya püstə əlavə edilərək hazırlanır. Ümumilikdə şəkər şərbəti ilə hazırlanır. Amma bal şərbəti ilə də hazırlana bilər.
Bu hissəyə qədər qeyd etdiklərim paxlava şirniyyatı haqqında ümumi məlumat idi. İndi isə keçək Azərbaycan paxlavasına… Azərbaycan paxlavası – milli mətbəximizin və Novruzun ulduz simvoludur. Novruz süfrələri ilə yanaşı, eyni zamanda isə gəlin xonçalarının bəzəyidir.
Bu reseptdə sizinlə yupyumuşaq, ağızda əriyən paxlava resepti paylaşacam.
Novruzunuz mübarək olsun!.. 🙂
Qeydlər:
Porsiya – 1list – 12 qat, diametri 35 sm
1 Hazırdır | Şərbətini Hazırlamaq ÜçünŞəkər tozunun üzərinə su əlavə edilib ocağın üzərinə qoyulur. |
2 Hazırdır 15 dəqiqə | Qaynamağa başladıqda limon suyu əlavə edilir, vam odda 15 dəqiqə daha qaynadılıb ocağın üzərindən götürülür. |
3 Hazırdır | İçlik ÜçünLəpə, şəkər tozu və hill qarışdırılır. |
4 Hazırdır 5-10 dəqiqə | Xəmirini Hazırlamaq ÜçünSüd, şəkər tozu və maya qarışdırılıb 5-10 dəqiqə gözlədilir. |
5 Hazırdır | Sonra əridilmiş ilıq kərə yağı (duru halda), yumurta (2-si bütöv, 1-nin ağı), duz və vanil əlavə edilib qarışdırılır. |
6 Hazırdır 10 dəqiqə | Daha sonra isə 4 stəkan un əlavə edilib qarışdırılır. Qalan un isə az-az əlavə edilərək ələ yapışmayan, yumuşaq xəmir yoğrulur və üstü örtülü 10 dəqiqə bir kənarda gözlədilir. (xəmir mayalandırılmayacaq) |
7 Hazırdır | Sonda isə xəmirdən 12 ədəd kündə hazırlanır. (10 ədəd bərabər böyüklükdə, 2 ədəd isə digərlərindən 2 qat iri (iri kündələrin biri altı, biri üstü üçün)) |
8 Hazırdır | Xəmirlərin Arasını Yağlamaq ÜçünKərə yağı vam odda əridilir. |
9 Hazırdır | Sobaya Vermək Üçünİri kündələrdən biri list böyüklükdə yayılır və yağlanmış listə qoyulur, üzərinə fırça ilə 2-3 xörək qaşığı əridilmiş kərə yağı çəkilir, 3-4 xörək qaşığı ləpə tökülüb hər tərəfinə yaxşıca yayılır. (ilk xəmirdən etibarən listin kənarına çıxan artıq xəmiri səliqəli bir şəkildə kəsin ki, üst-üstə yığılıb paxlavanın şəklini pozmasın.) |
10 Hazırdır | Sonra 10 ədəd balaca kündələrdən 9-u nazik yayılıb eyni qaydada davam edilir. (xəmir/yağ/ləpə sırası ilə) |
11 Hazırdır | Sonda qalan 1 ədəd balaca kündə yayılıb üzərinə saldıqdan sonra isə yağlanır, ancaq ləpə tökülmür. |
12 Hazırdır | Ən son iri kündəni yayıb yağlanmış xəmirin üzərinə salqdıqdan sonra isə artıq hissələri bıçaq isə səliqəyə salınır, iti bir bıçaqla səliqəli kəsilir. |
13 Hazırdır | Sonda isə yumurta sarısı, süd və istəyə görə qida boyası qarışdırılıb fırça ilə paxlavaların üzərinə çəkilir, ortasına fındıqları yarıdan çox batırılır və əvvəlcədən isidilmiş 180° C sobada bişməyə qoyulur. |
14 Hazırdır 40-45 dəqiqə | 15 dəqiqə bişdikdən sonra sobadan çıxarıb kəsiklərinn üstündən bir daha bıçaq çəkilir, arasını yağlamaq üçün istifadə edilən yağın qalanı aralarına tökülür və təkrar sobaya qoyulub içi bişib üzü qızaranadək (təxminən 40-45 dəqiqə daha) nəzarət edilərək bişirilir. |
15 Hazırdır | Sobadan çıxaran kimi isə qaynar paxlavanın üzərinə soyuq şərbətin hamısı gəzdirilir. |
16 Hazırdır | Paxlava bütün şirəni canına çəkdikdən sonra isə servis edə bilərsiniz. |
17 Hazırdır | Nuş olsun... :) |
Hal-hazırda internetiniz açıq deyil
6 Şərh Göstər / Bağla
Çox gözəl
Təşəkkürlər 🙂
Salam xanim men biwirdim listden cetinlikle ayrildi neden olar
Salam,
Yəqin normadan bir az artıq bişirmisiniz və ya sobanın dərəcəsi yüksək olub deyə dibi yapışıb.
Hazırladım çox yumuşaq alındı şərbətini az eləsək daha yaxşı olar
Salam,
Reseptin açıqlamasında da qeyd etdiyim kimi; bu resept ilə hazırlanan paxlava, ağızda əriyən, yumuşaq paxlava olur. Mən bu cür, yupyumuşaq sevdiyimə görə bu reseptlə hazırlayıram. Siz ağız dadınıza uyğun olaraq şərbətini və ya yağını bir az az istifadə edə bilərsiniz.