Ərzaqlar
- 300 qram Bişmiş Çuğundur
- 100 qram Qoz Ləpəsi
- 3-4 diş Sarımsaq
- Duz
- Xama Və Ya Mayonez
Məlumat
Çuğundur Salatını bu günədək hazırladığım salatlar içərisində hamısından ən asan, qısa müddətdə və az ərzaqla hazırlananıdır. İçərisində sadəcə və sadəcə 4 ərzaq var: çuğundur, qoz, sarımsaq və mayonez. Mən xama da qatıram, ancaq xama sevməyənlər sadəcə mayonez ilə hazırlaya bilərlər. Ancaq qətiyyən sarımsağı içərisindən çıxartmayın, çünki nəinki, sarımsağı reseptdən çıxarmaq, olduğundan az istifadə etdikdə belə dadsız olur.
Porsiya – 3-4 nəfərlik
Hazırlanması
1 Hazırdır | Bişmiş çuğundurları və soyulmuş sarımsaqları sürtgəcin iri gözündən keçiririk. |
2 Hazırdır | Qozu xırda-xırda doğrayıb əlavə edirik. |
3 Hazırdır | Duz, mayonez (və ya xama) əlavə edib qarışdırırıq. |
4 Hazırdır | Nuş olsun... :) |
2 Şərh Göstər / Bağla
Salam çuğundur nə qədər bişməlidir? Və bişdikdən sonramı soyulmalıdır qabığı?
Salam, Səma xanım.
Xeyr, öncə qabığını soyub yuyuruq, sonra bişiririk.
Bişməyini çəngəllə yoxlaya bilərsiniz. Çəngəli batırdıqda içi bərk deyilsə, deməli bişib.