Ərzaqlar
- 1 kq Lobya
- 4 xörək qaşığı Əridilmiş Kərə Yağı
- 4 ədəd Soğan
- 2 stəkan Qaynar Su
- 3-4 ədəd Pomidor
- 6-7 diş Sarımsaq
- 1 dəstə Petruşka
- 5-6 yarpaq Reyhanvə ya 1/2 çay qaşığı reyhan qurusu
- 1 desert qaşığı Duz
Məlumat
Gürcü Lobyasını mən ilk dəfə illər öncə Gürcüstanda olarkən yemişdim və ondan sonra illərlə dadı damağımda qalmışdı. Bir neçə il sonra resepti anamın yadında qaldığı qədəri ilə bişirdim və eynən o cür daddı. Mənim çox sevərək yediyim bir yeməkdir. Daha sonra internetdə orijinal reseptini tapdım və gördüm ki, eyni qayda ilə bişirmişəm, sadəcə olaraq reyhan əksik idi. Qeyd etmək istəyirəm ki, Gürcü Lobyasına xüsusi dadı verən cəfəri (petruşka), reyhan və sarımsaqdır. Mən reyhan istifadə etmədiyim halda belə sadəcə cəfəri və sarımsaq ilə o dadı ala bildim.
Porsiya – 4-5 nəfərlik
Hazırlanması
1 Hazırdır | Lobyalar 2-3 yerə bölünüb yuyulur. |
2 Hazırdır | Soğan doğranır və qızılı rəng olanadək yağda qovrulur. |
3 Hazırdır 4-5 dəqiqə | Pomidor soğança ilə birlikdə 4-5 dəqiqə qovrulur. |
4 Hazırdır | Sonra su və lobya əlavə edilib bişirilir. |
5 Hazırdır | Bişməyinə təxminən 10-15 dəqiqə qalmış isə duz, əzilmiş sarımsaq və xırda doğranmış petruşka əlavə edilib lobya yumuşalanadək bişirilir. |
6 Hazırdır | Nuş olsun... :) |
