Ərzaqlar
- 1 stəkan Əridilmiş Kərə Yağı
- 1 stəkan Un
- 1 stəkan Qoz
- 1 çimdik Duzehsan halvasıdırsa
Şərbəti Üçün
- 1,5 stəkan Su
- 1,5 stəkan Gül Suyugülaf
- 2 stəkan Şəkər Tozu
- 1 çimdik Zəfəran
Məlumat
Halva – Azərbaycan və Yaxın Şərq ölkələrində geniş yayılmış bir şirniyyat növüdür. Saxlanılma müddəti 2 aya qədərdir. Əsas ərzaqları əridilmiş kərə yağı, un və şərbətdir. Bununla yanaşı içərisinə qoz, fındıq və yağlı toxumlar (küncüt, günəbaxan, yerfındığı, soya və s.) qatıla bilər. Eyni zamanda halvaya vanil, şokolad, vafli və kişmiş qatanlar da var. Təbii ki, bunlar hansı növ halva bişirildiyinə görə dəyişir. Bu gün sizinlə qozlu tər halva resepti paylaşacam. Tər halva digər halvalar içərisində ən sadə şəkildə hazırlananıdır. Belə ki, tavada qızdırılmış yağa un əlavə edilib qovrulur, üzərinə isə şərbət tökülüb arası kəsilmədən qarışdıraraq bişirilir. İsti və ya soyuq halda servis edilə bilər. Əsasən yuxa ilə servis edilir.
Porsiya – 4-5 nəfər
Qeydlər:
- Gül suyu yoxdursa, əvəzinə su da istifadə oluna bilər.
- Ehsan halvasıdırsa, qovrulmağına yaxın qarışdırmağa ara vermədən 1 çimdik duz səpilib ad anılır.
Hazırlanması
1 Hazırdır | Şərbətini Hazırlamaq ÜçünBir qazana su, gül suyu, şəkər tozu və zəfəran əlavə edilib ocağın üzərinə qoyulur. Qaynamağa baladıqda hazır olur. Hazır olduqdan sonra isə isti qalmağı üçün zəif odun üzərində gözlədilir. |
2 Hazırdır | Halvanı Hazırlamaq ÜçünBaşqa bir tavada yağ əridilib qızdırılır. |
3 Hazırdır | Qızdırılmış yağa az-az un əlavə edilir və taxta qaşıqla dayanmadan qarışdırılır (qarşdırmağa ara versəz, dibi yapışacaq). |
4 Hazırdır | Qovrulub qızılı rəng olduqda şərbət yavaş-yavaş əlavə edilərək yaxşıca qarışdırılır. |
5 Hazırdır | Daha sonra xırda doğranmış qoz ləpəsi əlavə edilib qarışdırılır. |
6 Hazırdır | Suyu təmiz çəkilib rəngi parlaq olduqda halva hazır olur. |
7 Hazırdır | Nuş olsun... :) |
