| 80 qram Kərə Yağı | |
| 1/2 banka Qatılaşdırılmış Süd | |
| 3 stəkan Kakos | |
| 1 paket Vanil | |
| 20 ədəd Fındıq |
Yəqin ki, Rafaello sevməyən çox az sayıda insan var. )) Mənə görə satılan şokoladların çoxundan çox daha dadlıdır. Əgər qiymətinə görə qutusunun içərisindəki Rafaelloların az olduğunu düşünürsünüzsə, evdə özünüz bu şirniyyatı ucuz qiymətə və çoox asanlıqla hazırlaya bilərsiniz. Soyuducuda gözlədilmə müddətini saymasaq, cəmi 30 dəqiqə vaxt sərf etməklə 20-30 ədəd hazırlaya bilərsiniz. Bu resept ilə hazırlanan Rafaellonun marketdə satılanlardan fərqi daha yumuşaq olmağıdır. Satın aldığımız Rafaelloların üzündə incə vaflisi olduğu üçün xırçıltılı olur və eyni zamanda otaq istiliyində ərimir. Ancaq bu reseplə hazırladıqda vaflisi olmur və isti havada otaq istiliydə əzildiyidi üçün soyuducuda saxlamaq lazımdır. Ancaq dadı eynidir. Mümkün qədər tamlı kərə yağı və qatılaşdırılmış süd almağa da xüsusi diqqət edin. Çünki az ərzaq istifadə olunur və əsas 2 ərzaq onlardır.
Porsiya – 20 ədəd
Qeyd 1: rafaelloları soyuducuda saxlayın ki, bərk qalsınlar.
Qeyd 2: fındıqların qabığını özünüz soymaq istəsəz (qabığı soyulmuş şəkildə almasaz), əvvəlcə çay sodalı suda 4-5 dəqiqə gözlədin, qurulayın, sonra quru tavada qabığının rəngi dəyişənədək qovurun və sonda isə bir dəsmalın arasında ovaraq qabığını çıxardın.
1 Hazırdır 15 dəqiqə | Otaq istiliyində olan kərə yağı, qatılaşdırılmış süd (squşonka) və vanili mikserlə təxminən 15 dəqiqə çalırıq. |
2 Hazırdır | 2 stəkan kakos əlavə edib qaşıqla qarışdırırıq. |
3 Hazırdır 7-8 saat | Bərkiməyi üçün soyuducuda azı 7-8 saat gözlədirik. |
4 Hazırdır | Bərkidikdən sonra iri qoz böyüklükdə parçalar götürürük, arasına qabığı soyulmuş fındıq qoyuruq və ovucun içində yumrulayırıq. |
5 Hazırdır | Sonda isə kakos olan qabın (qalan 1 stəkan kakosun) içərisində hər tərərfi kakosa batırırıq. |
6 Hazırdır | Nuş olsun... :) |
Hal-hazırda internetiniz açıq deyil
