Qaralı Plov

Qaynamaqda olan 3 lt suya duz əlavə edilir, 2-3 dəqiqə sonra isə uzun düyü əlavə edilir.

Düyü yumşaldıqda süzülür. (Tam bişməsin, çünki dəmdə də bişəcək.)

1 stəkan qaynar suya zəfəran əlavə edilib 10-15 dəqiqə gözlədilir.

3 xörək qaşığı kərə yağı qızdırılır.

Yumurta, qatıq, duz və düyü qarışdırılıb qızdırılmış yağa əlavə edilir və qazanın dibinə yayılıb qızardılır.

Qızardıqdan sonra üzərinə süzülmüş düyünün yarısı əlavə edilir, 3 xörək qaşığı əridilmiş kərə yağı gəzdirilir və biraz zəfəran səpilir.
Sonra düyünün qalan yarısı əlavə edilib üzərinə qalan kərə yağı gəzdirilir və zəfəran, zirə, darçın səpilir.

Sonda isə qazanın ağzına süfrə salınıb 40-50 dəqiqə dəmdə gözlədilir.

Ət suda bişirilir.

Soğan nazik, uzun doğranıb qızılı rəng olanadək qovrulur (sona yaxın duz əlavə edilir).

Şabalıdın qabığının yuxarı hissəsi biraz kəsilib suda bişirilir (çox bişirməyin).
Soyuduqdan sonra isə ehtiyyatla qabıqdan təmizlənir.

Soyulmuş şabalıd, kişmiş, albuxara və qaysı təxminən 1-2 xörək qaşığı əridilmiş kərə yağında ayrı-ayrı, hərəsi 5 dəqiqə qarışdıraraq qovrulur (rəngi dəyişmədən ocağın üzərindən götürün).

Sonra iri bir tavanın dibinə ət düzülür, üzərinə şabalıd, albuxara, qaysı kişmiş düzülür, üzərinə isə soğança düzülüb bir neçə yerdən deşiklər açılır.

Sonda isə 1/2 stəkan ət suyunun içərisinə duz, istiot, sarıkök və limon duzu əlavə edilib aşılan deşiklərə tökülür. İsidərkən içindəki ət suyu ilə isidilir.

Nuş olsun... :)