Ərzaqlar
- 3 ədəd Yumurtairi
- 3/4 stəkan Şəkər Tozu
- 3/4 stəkan Un
- 1/4 stəkan Nişasta
- 1/4 çay qaşığı Duz
- 1/2 çay qaşığı Qabartma tozu
- Şəkər Pudrası
Məlumat
Əsl adı Savoyardi (ing. Savoiardi) olan qurabiyəni çox adamlar fərqli adları ilə tanıyırlar. Türklər əsasən, “Kedi Dili” (pişik dili) deyə tanıyır, ruslar əsasən, “Дамские Пальчики” (qadın barmaqları) deyə tanıyır və ümumiyyətlə baxmayaraq ki, Savoyardi başqa şirniyyatlarda da istifadə olunur, daha çox Tiramisu şirniyyatında istifadə edildiyinə görə “Tiramisu Qurabiyəsi” adlandırılır. Mən də bu gün Tiramisu hazırlamaq üçün bişirdim, ancaq Tiramisudan öncə bunu paylaşmaq istədim. Sabah da inşaAllah Tiramisu resepti paylaşacam. Əgər istəsəz, evdə özünüz də çox asanlıqla hazırlaya bilərsiniz. Çünki həqiqətən də reseptə baxsaz, görəcəksiniz ki, çox az ərzaqla, çox sadə bir şəkildə hazırlanır. Görünüşü hazır satılanlar qədər səliqəli və qalın olmasa da, tərkibi və dadı eynidir.
Orijinal İtalyan Tiramisu haqqında
Porsiya – 20-25 ədəd (10×3 sm)
Qeydlər:
1. Yumurtanın ağı çalınan qab və mikser ucları qupquru olmalıdır. Yumurtanın ağına az da olsa yumurta sarısı, su və s. qarışmamalıdır.
2. Qurabiyələri şprislə listə sıxdıqdan sonra gözlətmədən tez sobaya verin, çünki xəmiri çox zərif olduğuna görə şəkli tez pozulur. Sobanı da öncədən yandırıb hazır qoyun ki, listi hazırlayanadək soba isinsin.
Hazırlanması
1 Hazırdır | Yumurtanın ağı və sarısı ayrılır. Şəkər tozunun yarısı ağının üzərinə, digər yarısı isə sarısının üzərinə əlavə edilib əvvəlcə ağı (qar kimi olanadək), sonra isə sarısı mikserlə çalınır. Sonra ağı sarısının üzərinə əlavə edilib qaşıqla yavaş-yavaş qarışdırılır. |
2 Hazırdır | Ayrı bir qabda un, nişasta, duz və qabartma tozu qarışdırılır. |
3 Hazırdır | Sonra un olan qarışım digər qarışıma az-az ələnərək qaşıqla yavaşca qarışdırılır. |
4 Hazırdır 170° C, 10 dəqiqə | Sonda isə xəmir şprisə doldurulur, yağlanmış listə təxminən 10×2 sm ölçüsündə sıxılır, üzərlərinə şəkər pudrası səpilir və əvvəlcədən isidilmiş 170° C sobada təxminən 10 dəqiqə nəzarət edilərək bişirilir. |
5 Hazırdır | Nuş olsun... :) |
